Í kvöld mættust Fram 2 og Hvíti Riddarinn í Grill 66 deild karla í Lambhagahöllinni.

Hvíti Riddarinn hafði aðeins yfirhöndina í byrjun leiks. Voru þeir ögn ákveðnari og grimmari. Eftir rúmt korter var staðan 5-7 fyrir Hvíta Riddarann. Seinna korterið í fyrri hálfleik voru þeir áfram beinskeyttari aðilinn í leiknum. Þegar gengið var til búningsherbergja var staðan 9-14 í hálfleik.

Í seinni hálfleik hélt Hvíti Riddarinn áfram að vera í bílstjórasætinu. Eftir 10 mínútur í seinni hálfleik var staðan orðin 14-20. Þeir héldu forskotinu áfram allan seinni hálfleikinn og náðu Framarar mest að minnka muninn niður í 2 mörk en nær komust þeir ekki. Að lokum urðu úrslit leiksins 24-26. Sanngjarn og öruggur sigur hjá Mosfellingum en þeir reyndar hleyptu Frömurum óþarfa nálægt sér í lokin.

Hjá Hvíta Riddaranum var Aron Valur Gunnlaugsson markahæstur með 10 mörk. Sigurjón Bragi Atlason varði 8 skot.

Hjá Fram 2 var Gabríel Jónsson Kvaran markahæstur með 10 mörk. Garpur Druzin varði 9 skot.

Sjáðu stöðuna í deildinni

_{Hress styður umfjöllun Handkastsins um Þjóðaríþróttina - Í tilefni þess fá allir hlustendur og lesendur Handkastsins 2 fyrir 1 af öllum boozt á Hressbarnum út október. Hress er staðsett á Dalshrauni 11 í Hafnarfirði. Verði ykkur að góðu.}