Snorri Steinn Guðjónsson þjálfari íslenska karla landsliðsins hefur tilkynnt þá 18 leikmenn sem ferðast til Egyptalands og taka þátt í tveimur vináttulandsleikjum gegn Egyptum í maí.  

Snorri Steinn hafði ýjað að því að töluverðar breytingar verði á landsliðshópnum frá síðasta verkefni er Ísland mætti Svíþjóð í tveimur vináttulandsleikjum hér á landi.

Leikir Íslands gegn Eygptalandi fara fram miðvikudaginn 13.maí og föstudaginn 15.maí.

Þjóðirnar mætast síðan í Laugardalshöllinni í tveimur vináttulandsleikjum í janúar í aðdraganda heimsmeistaramótsins á næsta ári.

Snorri Steinn velur þrjá nýliða í hópinn, þá Jón Þórarinn Þorsteinsson markvörð FH, Jón Bjarna Ólafsson línumann FH og Tryggva Þórisson línumann Elverum.

Auk þess koma Bjarki Már Elísson, Einar Bragi Aðalsteinsson, Elvar Ásgeirsson og Ísak Steinsson inn í hópinn frá síðasta verkefni gegn Svíþjóð.

Þeir leikmenn sem ekki voru valdir í hópinn frá síðasta verkefni eru Björgvin Páll Gústavsson, Stiven Tobar Valencia, Elvar Örn Jónsson, Gísli Þorgeir Kristjánsson, Janus Daði Smárason, Viggó Kristjánsson, Ýmir Örn Gíslason og Elliði Snær Viðarsson.

Landsliðshópurinn:
Markmenn:

Viktor Gísli Hallgrímsson, FC Barcelona (85/2)

Jón Þórarinn Þorsteinsson, FH (0/0)

Ísak Steinsson, Drammen (3/0)

Aðrir leikmenn:

Arnar Freyr Arnarsson, Melsungen (118/123)

Bjarki Már Elísson, Veszprem (137/445)

Einar Bragi Aðalsteinsson, Kristianstad (2/0)

Einar Þorsteinn Ólafsson, Hamburg (36/8)

Elvar Ásgeirsson, Ribe-Esbjerg (21/24)

Haukur Þrastarsson, Rhein Neckar Löwen (58/80)

Jón Bjarni Ólafsson, FH (0/0)

Kristján Örn Kristjánsson, Skanderborg AGF Håndbold (37/72)

Orri Freyr Þorkelsson, Sporting (43/151)

Óðinn Þór Ríkharðsson, Kadetten (69/215)

Reynir Þór Stefánsson, Melsungen (3/2)

Sigvaldi Björn Guðjónsson, Kolstad (88/233)

Teitur Örn Einarsson, Gummersbach (58/52)

Tryggvi Þórisson, Elverum (0/0)

Þorsteinn Leó Gunnarsson, Porto (27/41)

Hópurinn kemur saman til æfinga í Epygtalandi mánudaginn 11. maí.