Danski handknattleiksmaðurinn Simon Pytlick hefur ekki gefið upp vonina um að lið hans, SG Flensburg-Handewitt, komist í Meistaradeild Evrópu á næsta tímabili þrátt fyrir að félagið hafi endað í 3.sæti þýsku Bundesligunnar sem lauk í gær. Tvö efstu lið deildarinnar vinna sér inn beina þátttöku í Meistaradeild Evrópu.

Flensburg mætti Berlínarliðinu í lokaumferð deildarinnar í gær. Liðið átti ekki lengur raunhæfan möguleika á að ná öðru sætinu eftir að MT Melsungen tapaði nýverið fyrir Berlín. Sá sigur styrkti stöðu Füchse Berlin verulega en jók jafnframt líkurnar á að Melsungen komist í Meistaradeildina, þar sem liðið vann Evrópudeildina.

Þrátt fyrir þetta ríkir enn von hjá Flensburg. Pytlick sagði í viðtali við Flensburg Avis að 3. sætið gæti reynst mikilvægt ef Handknattleikssamband Evrópu (EHF) ákveður að veita liðinu sérstakt boðssæti, svokallað „wildcard“.

,,Við höldum enn í vonina um að EHF horfi til okkar og veiti okkur wildcard-sæti þannig að við getum tekið þátt í Meistaradeildinni á næsta tímabili. Þess vegna var mikilvægt fyrir okkur að tryggja þriðja sætið. Við áttum okkur á því að miðað við allt umræðukjaftæðið og óvissuna í kringum stöðuna væri ólíklegt að Melsungen myndi vinna Berlín. Það er þó hvorki Melsungen né Berlín að kenna," sagði Pytlick við Flensburg Avis.