Fyrrverandi danski landsliðsmaðurinn Michael Damgaard hefur samið við Los Angeles Handball Club og mun leika með félaginu á komandi tímabili. Félagið greindi frá félagaskiptunum á Instagram síðu sinni.

Damgaard kemur til félagsins eftir eitt tímabil með HØJ Elite, sem féll úr dönsku úrvalsdeildinni á síðustu leiktíð.

Hinn 35 ára gamli bakvörður á að baki glæsilegan feril. Hann lék um árabil með þýska stórliðinu SC Magdeburg, þar sem hann vann meðal annars tvo titla í Meistaradeild Evrópu og varð þýskur meistari.

Með danska landsliðinu varð Damgaard bæði Ólympíumeistari og heimsmeistari og var um árabil einn af lykilmönnum liðsins.

Í Los Angeles hittir hann fyrir fyrrverandi landsliðsfélaga sinn, Morten Olsen, sem er þjálfari félagsins.

Í maí gaf Damgaard í skyn að hann gæti hafa spilað sinn síðasta handboltaleik. Með félagaskiptunum til Los Angeles er hins vegar ljóst að ferli hans er ekki lokið og að hann heldur áfram að leika handbolta.