Handkastið hefur verið leiðandi í umfjöllun um íslenskan handbolta síðustu ár og nú fer að styttast í að tímabilið hér heima fari af stað. Handkastið heldur úti tveimur hlaðvarpsþáttum í viku þegar tímabilið er í gangi auk þess að fjalla vel og ítarlega um allt sem tengist íslenska boltanum hér á vefnum.

Olís-deild kvenna hefst í byrjun september en þangað til ætlar Handkastið að hita upp fyrir deildina og fjalla um öll liðin í deildinni.

Í dag förum við yfir ÍBV.

Síðasta tímabil:
ÍBV var það lið sem kom flestum á óvart með spilamennsku sinni og stigasöfnun á síðustu leiktíð. Liðið var lengi vel í harðri baráttu við Val um deildarmeistaratitlinn, liðið tapaði hinsegar óvænt gegn Grill66-deildarliði Gróttu í bikarnum. Eftir að hafa aðeins fengið 10 stig í deildinni árið áður þá fór liðið alla leið í úrslitaeinvígið í fyrra og endaði í 2.sæti Olís-deildarinnar. Nú á að byggja ofan á það í ár.

Þjálfarinn:
Magús Stefánsson er á leið inn í sitt annað tímabil með liðið. Gerði vel á sínu fyrsta tímabili en hvað gerir hann á sínu öðru ári.

Breytingar:
Það eru litlar breytingar á liði ÍBV frá síðustu leiktíð. Landsliðskonan, Andrea Jacobsen kemur heim með Þýskalandstitilinn á bakinu og leikur á ný í Olís-deildinni. Britney Cots yfirgaf hinsvegar Eyjuna og þá varð ÍBV fyrir mikilli blóðtöku þegar markvörður þeirra á síðasta tímabili, Amalie Fröland sleit krossband.

Lykilmenn:
Birna Berg Haraldsdóttir, Sandra Erlingsdóttir, Andrea Jacobsen

Fylgist með:
Ólöf Maren Bjarnadóttir fékk óvænt stórt verkefni í hendurnar fyrir úrslitaeinvígið gegn Val í fyrra þegar Amalie Fröland sleit krossband. Nú er hún með lyklana á markinu hjá ÍBV og ef félagið fær ekki til sín annan markvörð þá mun mikið mæða á Ólöfu í vetur.

Framtíðin:
Agnes Lilja Styrmisdóttir. Einn efnilegasti leikmaður landsins í dag, sterk bæði varnar og sóknarlega og fékk stórt hlutverk í liði ÍBV á síðustu leiktíð. Mínútum hennar gæti hinsvegar minnkað vegna komu Andreu Jacobsen en þetta tímabil gæti reynst dýrmætt fyrir Agnesu upp á framhaldið að vera með eins reynslu mikinn og gæða mikinn leikmann eins og Andreu með sér í liði.

Við hverju má búast:

ÍBV ætlar að stefna á alla þá titla sem í boði eru. Með leikmenn á borð við, Andreu Jacobsen, Söndru Erlingsdóttur og Birnu Berg Haraldsdóttur í svakalegu standi þá er erfitt að horfa framhjá því að ætla sér að stefna á þá titla sem í boði eru. Fyrir aftan þær eru síðan þræl efnilegar stelpur sem allar hafa verið í yngri landsliðum Íslands. ÍBV hefur verið í uppbyggingarfasa síðustu ár en nú er komið að því að sækja titil.

Sjá einnig:
Umfjöllun um kvennalið Hauka
Umfjöllun um kvennalið Vals
Umfjöllun um kvennalið KA/Þórs
Umfjöllun um karlalið Selfoss
Umfjöllun um karlalið Víkings
Umfjöllun um karlalið Þórs
Umfjöllun um karlalið Aftureldingar
Umfjöllun um karlalið Vals
Umfjöllun um kvennalið ÍR