Dregið var í 8-liða úrslit Powerade-bikars karla og kvenna í Mínígarðinum í dag. Einn Olís-deildarslagur verður í kvennaflokki þar sem Fram og ÍR mætast og þrír Olís-deildarslagir verða í karlaflokki.

Stórleikur 8-liða úrslitanna í karlaflokki er sennilega leikur Aftureldingar og FH sem fer fram í Mosfellsbænum. Grill66-deildarlið Fjölnis fær botnlið ÍR í heimsókn í Grafarvoginn.

Hér að neðan má sjá viðureignirnar í 8-liða úrslitum karla og kvenna.

8-liða úrslit karla:
Afturelding - FH
KA - Fram
HK - Haukar
Fjölnir - ÍR

Leikið verður dagana 19. - 20.desember í 8-liða úrslitum karla.

8-liða úrslit kvenna:
FH - Valur
Grótta - KA/Þór
Víkingur - Haukar
Fram - ÍR

Leikið verður dagana 3. - 4. febrúar í 8-liða úrslitum kvenna.