Haukar sitja á toppi Olís-deildarinnar þegar deildin er hálfnuð með 18 stig af 22 mögulegum. Valur er í 2.sæti með 16 stig en ÍR situr á botni deildarinnar með þrjú stig en fjögur stig er í næstu lið sem eru nýliðar Selfoss og Þór. 

Handkastið hefur valið úrvalslið fyrri umferðar Olís-deildar karla en hægt er að sjá lið fyrri umferðar hér að neðan.

Besti leikmaður Olís-deildarinnar í fyrri umferðinni er Bjarni Ófeigur Valdimarsson leikmaður KA sem hefur alls verið sex sinnum í liði umferðarinnar hjá Handkastinu. Þjálfari hans, Andri Snær Stefánsson er þjálfari fyrri umferðarinnar en KA spútniklið deildarinnar með 14 stig í 4.sæti deildarinnar.

Lið fyrri umferðar:

Mark: Björgvin Páll Gústavsson (Valur)

Vinstra horn: Hannes Höskuldsson (Selfoss)

Vinstri skytta: Bjarni Ófeigur Valdimarsson (KA)

Miðjumaður: Freyr Aronsson (Haukar)

Hægri skytta: Elís Þór Aðalsteinsson (ÍBV)

hægra horn: Giorgi Dikhaminjia (KA)

Lína: Jón Bjarni Ólafsson (FH)

Þjálfari: Andri Snær Stefánsson (KA)