HK og ÍBV mættust í Kórnum í kvöld í Olís deild karla og endaði leikurinn með 28-34 sigri ÍBV. ÍBV hafði tapað tveimur leikjum í röð fyrir leikinn í kvöld.

Sigurður Bragason, aðstoðarþjálfari ÍBV mætti í viðtal við Handkastið eftir leik í kvöld og var hann eðlilega kátur að leikslokum. Eyjamenn ræddu fyrir leikinn í kvöld að ná upp gleðinni aftur og þeir gerðu það svo sannarlega.