Bjarni Fritzson þjálfara ÍR var mikið létt eftir fyrsta sigur liðsins í Olís-deild karla í vetur sem kom í kvöld í botnbaráttuslag gegn Þór í 12.umferðinni. ÍR vann leikinn 34-31 en liðið hafði undirtökin allan leikinn.

Þórsarar minnkuðu muninn í eitt mark undir lok leiks en lengra komust þeir ekki. Gríðarlega mikilvægur sigur hjá ÍR sem heimsækja Selfoss í næstu umferð og geta jafnað bæði Selfoss og Þór að stigum með sigri þar.

Hér að neðan er hægt að sjá viðtal við Bjarna eftir leikinn.