Pólverjar verða án tveggja lykilmanna á Evrópumótinu í janúar en Pólland er í riðli með íslenska landsliðinu. Um er að ræða línutröllið Kamil Syprzak leikmann Paris-Saint Germain og markvarðarins, Adam Morowski leikmann Kielce í heimalandinu.

Þeir eru hvorugir á 35 manna lista pólska landsliðsins sem Spánverjinn, Jota Gonzalez valdi á dögunum. Jota sem er þjálfari Benfica er á leið á sitt fyrsta stórmót með pólska landsliðinu en hann tók við liðinu fyrr á þessu ári.

Árangur Póllands á HM í janúar var mikil vonbrigði en liðið endaði í neðsta sæti riðilsins með eitt stig en Pólland var í riðli með Þýskalandi, Sviss og Tékklandi. Pólland fór því í Forsetabikarinn sem þeir unnu.

Línumaðurinn Kamil Syprzak ofbauð árangurinn og yfirgaf landsliðið á miðju heimsmeistaramótinu í janúar og er ekki á meðal 35 leikmanna sem Jota Gonzalez getur valið fyrir EM í janúar.  Syprzak á að baki 180 landsleiki fyrir Pólland og skorað í þeim leikjum rúmlega 400 mörk. Maðurinn er 207 cm á hæð. Það er því jákvæðar fréttir fyrir Snorra Stein og íslenska landsliðið að sleppa við að díla við Syprzak á EM.

Fimm markverðir eru á listanum sem allt eru töluvert minni spámenn en Adam Morawski sem gekk í raðir Kielce í sumar eftir þrjú ár hjá Melsungen.