Handboltaleikur fór úr böndunum þegar flugeldar voru skotnir inn á keppnisvöllinn og leikurinn stöðvaður tímabundið vegna öryggisáhyggja í Serbíu í gær.

Um var að ræða annan leik í úrslitaeinvíginu í serbnesku úrvalsdeildinni sem snarhætt um miðjan fyrri hálfleik. Staðan var þá 6-5 fyrir RK Vojvodina gegn Partizan Belgrade en áhorfendur skutu flugeldum í átt að leikmönnum. Partizan Belgrade vann fyrri leik liðanna 33-27. 

Leikmenn, dómarar og starfsfólk brugðust skjótt við og yfirgáfu hluta vallarins á meðan reynt var að ná stjórn á aðstæðum. Áhorfendur lýstu ringulreið og spennu í stúkunni eftir að flugeldarnir fóru af stað. Sumir yfirgáfu sæti sín á meðan aðrir fylgdust agndofa með því sem fram fór.

Þar sem leikurinn fór fram á heimavelli RK Vojvodina í gær og áhorfendur heimaliðsins báru ábyrgð á flugeldunum hefur Partizan Belgrade verið dæmdur 10-0 sigur og er því eins og staðan er í dag, 2-0 yfir í einvíginu. Það má þó hinsvegar gera ráð fyrir því að RK Vojvodina áfrýji þeirri niðurstöðu.

Áður hafði flugeldum verið skotið inn á völlinn á 2. mínútu leiksins en leikurinn hélt áfram eftir það atvik en mönnum var nóg boðið þegar þetta endurtók sig aftur eftir rúmar 15 mínútur af leiknum.