Alþjóðahandknattleikssambandið, International Handball Federation, hefur úthlutað tveimur boðssætum (e. wild cards) fyrir heimsmeistaramót karla sem fram fer í Þýskalandi í janúar á næsta ári.

Dregið verður í riðla á morgun klukkan 16:00 Munich, þar sem liðin komast að því hverjir verða fyrstu mótherjar þeirra á mótinu.

Dregið í riðla á HM á morgun.

Alls bárust 13 umsóknir um þau tvö sæti sem í boði voru. IHF hefur ákveðið að veita Tyrklandi og Sádí-Arabíu boðskortin tvö sem í boði voru.

Tyrkland mun taka þátt á heimsmeistaramóti karla í fyrsta sinn í sögunni. IHF telur þátttöku Tyrkja mikilvægt skref í áframhaldandi þróun landsliðsins, sem fær nú tækifæri til að mæta sterkustu þjóðum heims á stærsta sviði handboltans.

Þá er einnig bent á að þátttaka Tyrklands gæti vakið mikla athygli í Þýskalandi, einu af gestgjöfum mótsins, þar sem talið er að um 3,5 milljónir einstaklinga af tyrkneskum uppruna búi í landinu.

Tyrkland tapaði í lokaumferð umspilsins um laust sæti á HM gegn Noregi með samtals 20 markamun. Fyrri leikinn töpuðu þeir þrettán mörkum 43-30 og þann seinni með sjö, 37-30.

Sádi-Arabía er hins vegar meðal fremstu handknattleiksþjóða Asíu og hefur verið í stöðugri uppbyggingu undanfarin ár. Landið mun nú taka þátt á HM í ellefta sinn, en síðast lék það á heimsmeistaramóti árið 2023.

Þar með er ljóst að þjóðir á borð við, Austurríki, Ungverjaland, Holland, Svartfjallaland, Sviss og Tékkland leika ekki á heimsmeistaramótinu í janúar.

Styrkleikaflokkar fyrir HM 2027:

1. styrkleikaflokkur

• Danmörk
• Þýskaland
• Króatía
• Ísland
• Portúgal
• Svíþjóð
• Egyptaland
• Argentína

2. styrkleikaflokkur

• Frakkland
• Slóvenía
• Noregur
• Serbía
• Spánn
• Ítalía
• Færeyjar
• Norður-Makedónía

3. styrkleikaflokkur

• Grikkland
• Pólland
• Brasilía
• Barein
• Túnis
• Grænhöfðaeyjar
• Síle
• Bandaríkin

4. styrkleikaflokkur

• Katar
• Kúveit
• Japan
• Alsír
• Angóla
• Úrúgvæ
• Tyrkland
• Sádi-Arabía