Eiður Rafn Valsson er samkvæmt heimildum Handkastsins á leið frá Fram eftir að hafa óskað eftir því að fá að yfirgefa félagið.

Samkvæmt heimildum Handkastsins fór Eiður fram á það á fundi með stjórn handknattleiksdeildar Fram að fá að fara frá félaginu vegna persónulegra ástæðna.

Eiður áfram í Fram

Eiður Rafn, sem er örvhentur hægri hornamaður, hefur leikið allan meistaraflokksferil sinn með Fram og verið fastamaður í liðinu undanfarin ár. Ekki er nema rúmlega tveir mánuðir síðan Eiður Rafn framlengdi samningi sínum við Fram til ársins 2029 og því koma þessi tíðindi verulega á óvart.

Stuttu eftir fund Eiðs við Fram hafði Ágúst Bjarni Garðarsson, formaður handknattleiksdeildar FH, samband við forráðamenn Fram og lýsti yfir áhuga á að fá Eið til félagsins. Á dögunum gekk frændi Eiðs, Einar Rafn Eiðsson til liðs við félagið frá KA.

Handkastið hefur ekki heyrt af því hvort FH hafi lagt fram kauptilboð í leikmanninn en FH missti á dögunum Birgi Má Birgisson út í atvinnumennsku og þá hefur samningur Birkis Benediktssonar runnið út við félagið.

Á nýliðnu tímabili var Eiður Rafn fimmti markahæsti leikmaður Fram með 63 mörk í deild og úrslitakeppni. Fram hafnaði í 7. sæti deildarinnar og féll úr leik í 8-liða úrslitum úrslitakeppninnar eftir tap gegn FH.