Daníel Freyr Andrésson mun ekki hefja tímabilið í marki FH-inga en hann sleit hásin á æfingu með FH liðinu í gær. Aron Pálmarsson þjálfari FH staðfesti þetta í samtali við Handkastið í dag.

Ljóst er að um mikla blóðtöku fyrir FH er að ræða en Daníel var með rétt rúmlega 30% hlutfallsmarkvörslu í deildinni í fyrra auk þess sem hann var alveg frábær í marki FH í úrslitaeinvíginu um Íslandsmeistaratitilinn í vor.

FH spilar einnig í riðlakeppni Evrópudeildarinnar sem hefst 29. september og ljóst er að Daníel verður ekki með liðinu þar. Mun því mæða enn meira á Jóni Þórarni Þorsteinssyni í marki FH.