Jaron Siewert fyrrverandi þjálfari Þýskalandsmeistara Fuchse Berlín er nú orðaður við tvö félög. Það var Handballtransfer.dk sem greindi fyrst frá.

Jaron Siewert sem var óvænt rekinn frá Fuchse Berlín í upphafi tímabils er nú orðaður við þýska úrvalsdeildarfélagið Hannover-Burgdorf auk danska úrvalsdeildarfélagsins, HØJ Elite sem eru nýliðar í dönsku úrvalsdeildinni.

Þjóðverjinn, Christian Prokop er þjálfari Hannover-Burgdorf og hefur verið með liðið frá árinu 2021.

Daninn, Jesper Fredin er þjálfari HØJ Elite en félagið hefur sankað að sér stórstjörnum að undanförnu en síðast í gær var greint frá því að danski landsliðsmaðurinn Lasse Andersson gangi í raðir félagsins einmitt frá Fuchse Berlín næsta sumar. Auk þess mun Jannick Green markvörður PSG ganga í raðir félagsins næsta sumar.

Danski vefmiðlar hafa fjallað um málið í dag og lýsa undrun sinni að jafn stór prófíll og Jaron Siewert sé orðaður við dönsku nýliðanna en segja á sama tíma það lýsa því ágætlega á hvaða stað félagið sé og hvert það stefnir.

Það verður fróðlegt að sjá á næstunni hvar Siewert endar en hann er án efa mjög spennandi kostur.