Þýska stórliðið VfL Gummersbach hefur afhjúpað nýjar heima- og útitreyjur sínar fyrir tímabilið 2026/27 og hafa þær vakið mikla athygli meðal handboltaáhugamanna.

Treyjurnar eru hannaðar af Puma og hafa þegar fengið mikið lof á samfélagsmiðlum. Margir telja að erfitt verði fyrir önnur lið að toppa hönnun Gummersbach á komandi keppnistímabili.

Heimabúningurinn heldur í hefðbundna bláa liti félagsins en með nýrri og nútímalegri hönnun. Útibúningurinn er einnig frá Puma og fylgir sömu hönnunarlínu, en með öðru litavali sem gefur treyjunni áberandi yfirbragð.

VfL Gummersbach hefur á undanförnum árum lagt aukna áherslu á sterka ímynd félagsins og nýju treyjurnar eru hluti af þeirri stefnu.