Slóvenski landsliðsmarkvörðurinn Miljan Vujović hefur gengið til liðs við pólska stórliðið Wisla Plock fyrir komandi keppnistímabil en hann gengur í raðir félagsins frá slóvenska félaginu Slovan.

Vujović verður lánaður til Wisla Plock frá Slovan en hann hefur leikið með TVB Stuttgart í þýsku úrvalsdeildinni síðustu ár og stefndi á að leika með Slovan á næstu leiktíð. Eftir að félagið mistókst að vinna sér inn sæti í Meistaradeildinni var félagið tilbúið að lána markvörðinn til Póllands í eitt ár.

Vujović er ætlað að fylla skarð norska landsliðsmarkvarðarins Torbjørns Bergerud, sem samkvæmt erlendum miðlum er óvænt á leið til danska félagsins Fredericia.

Með komu Vujović verður hann 16. markvörðurinn sem ver mark Wisla Plock á síðustu tíu árum. Á þeim lista eru meðal annars íslenski landsliðsmarkvörðurinn Viktor Gísli Hallgrímsson, spænski landsliðsmarkvörðurinn Rodrigo Corrales og Króatinn Mirko Alilović.

Wisla Plock hefur á undanförnum árum verið eitt sterkasta lið Póllands og fastagestur í Evrópukeppnum.

Hér má sjá alla sextán markverði Wisla Plock síðustu tíu ár:
Admir Ahmetasević
Mirko Alilović
Torbjoern Bergerud
Ignacio Biosca
Adam Borbely
Wojciech Borucki
Rodrigo Corrales
Viktor Hallgrimsson
Abdelrahman Homayed
Marcel Jastrzębski
Adam Morawski
Kristian Pilipović
Ivan Stevanović
Marcin Wichary
Krystian Witkowski