Dregið verður í riðlakeppni Evrópudeildar karla í dag klukkan 09:00 að íslenskum tíma. Þar kemur í ljós hvaða liðum Íslandsmeistarar Vals og FH mæta í riðlakeppni Evrópudeildarinnar.

Alls taka 32 lið þátt í riðlakeppninni en liðunum verður skipt í átta fjögurra liða riðla og fara tvö efstu lið hvers riðils áfram í umspil.

Valur verður í öðrum styrkleikaflokki þegar dregið verður og FH í þeim þriðja. Fjölmörg Íslendingalið eru í keppninni að þessu sinni.

Riðlakeppnin fer fram frá 29. september til 2. desember. Þá bætast liðin sem enda í þriðja og fjórða sæti í riðlum Meistaradeildarinnar við keppnina og mynda saman 28 liða umspil sem leikið verður í febrúar og mars 2027.

Sigurvegarar umspilsins komast í 16-liða úrslit ásamt þeim liðum sem enda í fimmta sæti í seinni riðlum Meistaradeildarinnar. Þaðan tekur við útsláttarkeppni með 8-liða úrslitum í apríl áður en lokahelgin, EHF Finals, fer fram 22. og 23. maí á næsta ári þar sem Evrópumeistarar verða krýndir.

Meðal sterkustu liða í riðlakeppninni eru þýsku stórliðin SG Flensburg-Handewitt, VfL Gummersbach og Bergischer HC, portúgalska liðið Benfica, sænska meistaraliðið IK Sävehof, norska stórveldið Elverum og danska liðið TTH Holstebro.

Liðin 32 sem taka þátt í riðlakeppninni eru:

• SG Flensburg-Handewitt (Þýskaland) * Arnar Freyr Arnarssson
• RK Nexe (Króatía)
• MOL Tatabánya KC (Ungverjaland)
• IK Sävehof (Svíþjóð) * Birgir Steinn Jónsson
• RK Izvidac (Bosnía og Hersegóvína)
• HC Eurofarm Pelister (Norður-Makedónía)
• Benfica (Portúgal) * Breki Hrafn Árnason
• Bidasoa Irun (Spánn)
• Valur (Ísland)
• Kadetten Schaffhausen (Sviss) * Óðinn Þór Ríkharðsson
• Elverum (Noregur) *Tryggvi Þórisson
• Limoges Handball (Frakkland)
• HCB Karviná (Tékkland)
• BM Granollers (Spánn)
• Tatran Prešov (Slóvakía)
• VfL Gummersbach (Þýskaland) * Elliði Snær Viðarsson, Teitur Örn Einarsson, Garðar Ingi Sindrason
• RK Sesvete (Króatía)
• FH Hafnarfjörður (Ísland)
• HC Buzău (Rúmenía)
• Saint-Raphaël Var Handball (Frakkland)
• Slovan (Slóvenía)
• Chambéry Savoie Mont Blanc Handball (Frakkland)
• BM Torrelavega (Spánn)
• Logroño La Rioja (Spánn)
• CSM București (Rúmenía)
• Marítimo (Portúgal)
• Aguas Santas (Portúgal)
• Mors-Thy Håndbold (Danmörk)
• Bergischer HC (Þýskaland)
• TTH Holstebro (Danmörk) * Benedikt Gunnar Óskarsson, Jóhannes Berg Andrason
• Wybrzeże Gdańsk (Pólland)
• Hammarby (Svíþjóð)