Martim Costa varð fyrir meiðslum á hné þegar Sporting CP tapaði 28-26 fyrir MT Melsungen í úrslitaleik æfingamóts í Doboj í Bosníu og Hersegóvínu.

Portúgalska meistaraliðið mætti þar Melsungen sem er á lokametrunum í undirbúningi sínum fyrir nýtt tímabil í þýsku Bundesligunni.

Leikurinn var jafn og spennandi en Melsungen hafði að lokum betur með tveggja marka mun, 28-26, og tryggði sér sigur á mótinu.

Úrslitin féllu þó nokkuð í skuggann af meiðslum af Martim Costa. Portúgalska stórstjarnan varð fyrir höggi á hné í leiknum.

Enn liggur ekki fyrir hversu alvarleg meiðslin eru og því ríkir óvissa um ástand hins 23 ára gamla Costa.

Sporting vonast til þess að um minniháttar meiðsli sé að ræða enda Costa að fara inn í tímabil sem verður hans síðasta hjá félaginu, í bili að minnsta kosti.

Nú bíða Sporting og stuðningsmenn félagsins hins vegar frekari tíðinda af hnémeiðslum Martim Costa.

Martim Costa picked up a knock to his knee in tonight’s friendly between Sporting and Melsungen.

Fingers crossed it’s nothing serious. It would be heartbreaking to see him suffer a serious injury in what will be his final season at Sporting, at least for now.#handball pic.twitter.com/QulNDxV9S2

— Rasmus Boysen (@RasmusBoysen92) August 15, 2026