Handkastið hefur verið leiðandi í umfjöllun um íslenskan handbolta síðustu ár og nú fer að styttast í að tímabilið hér heima fari af stað. Handkastið heldur úti tveimur hlaðvarpsþáttum í viku þegar tímabilið er í gangi auk þess að fjalla vel og ítarlega um allt sem tengist íslenska boltanum hér á vefnum.

Olís-deild karla hefst í byrjun september en þangað til ætlar Handkastið að hita upp fyrir deildina og fjalla um öll liðin í deildinni.

Í dag förum við yfir HK.

Síðasta tímabil:
HK tókst aftur að komast í úrslitakeppnina í fyrra þar sem þeir mættu Valsmönnum og hefði hæglega getað stolið fyrsta leiknum í einvíginu á Hlíðarenda ef dómgæslan hefði fallið með þeim. Annað tímabilið í röð þar sem HK er á kunnulegum slóðum, vinna liðina fyrir neðan sig en eru ennþá töluvert á eftir betri liðunum í deildinni.

Þjálfarinn:
Halldór Jóhann Sigfússon að fara inn í sitt þriðja tímabil með HK þar sem uppskeran fyrstu 2 árin hefur verið 8.sætið í deildinni og fallið út úr úrslitakeppninni í 8 liða úrslitum. Miklar breytingar á HK liðinu í ár og verður Halldór Jóhann því að setja saman nýja útilínu. 

Breytingar:
Sigurður Jeffersson og Hjörtur Ingi Halldórsson gengu báðir til liðs við Hauka. Ágúst Guðmundsson fór í FH og Haukur Ingi Hauksson fór til Fram. Þarna eru nánast 75% marka HK frá því í fyrra farin. Trúgvi Hávardsson gekk til liðs við HK frá Færeyjum og Andrew Wisman frá Danmörku og mun mæða mikið á þeim að bæta upp fyrir mörkin sem HK missti milli tímabila.

Lykilmenn:
Brynjar Vignir Sigurjónsson, Trúgvi Hávardsson, Andrew Wisman

Fylgist með:
Trúgvi Hávardsson kom til liðsins frá StíF í Færeyjum og hefur heillað mikið í leikjum á undirbúningstímabilinu. 

Framtíðin:
Örn Alexandersson er ungur og efnilegur leikmaður uppalinn í Kórahverfinu. Var markahæsti leikmaður HK 2 í Grill66-deildarinnar í fyrra með tæp átta mörk að meðaltali í leik. Hraustur drengur sem lætur til sín taka á báðum enda vallarins. Örn gæti sprungið út í vetur.

Við hverju má búast:
Það er ótrúlega erfitt að segja til um það við hverju má búast við af HK-liðinu eftir þessar breytingar sem áttu sér stað í sumar. Líkt og fyrr segir eru nánast öll mörk liðsins frá því í fyrra farin og mun mæða mikið á nýju mönnunum. Brynjar Vignir Sigurjónsson var mikið meiddur í fyrra og þarf hann að eiga gott tímabil ef liðið ætlar sér að berjast um sæti í úrslitakeppninni.

Sjá einnig:
Umfjöllun um kvennalið ÍBV
Umfjöllun um kvennalið Hauka
Umfjöllun um kvennalið Vals
Umfjöllun um kvennalið KA/Þórs
Umfjöllun um karlalið Selfoss
Umfjöllun um karlalið Víkings
Umfjöllun um karlalið Þórs
Umfjöllun um karlalið Aftureldingar
Umfjöllun um karlalið Vals
Umfjöllun um kvennalið ÍR