Stymmi Klippari mun í allan vetur spá í spilin og tippa á hvernig komandi umferð mun fara í Olís deildum karla og kvenna.

Hér að neðan má sjá hvernig hann telur að 12.umferð fari í Olís deild karla.

Valur – Stjarnan (Fimmtudagur 18:30) / Sigurvegari: Valur

Heitasta lið deildarinnar er sennilega Valur þessa stundina. Stjarnan vann virkilega öruggan og lífsnauðsynlegan sigur á Fram í síðustu umferð. Valsmenn verða þó of stór biti fyrir Garðbæinga í þessum leik og Arnór Snær Óskarsson hendir í aðra sýningu       

KA – Selfoss  (Fimmtudagur 19:00) / Sigurvegari: KA

Bæði lið koma high flying inn í þennan leik eftir sigra í síðustu umferð. KA unnu grannaslaginn meðan Selfoss gerði góða ferð í Mosfellsbæinn. KA verið erfiðir heim að sækja í vetur og Selfoss fara tómhentir heim frá Akureyri.

Afturelding – Haukar (Fimmtudagur 19:30) / Sigurvegari: Haukar

Stórleikur umferðarinnar. Liðin sem hafa verið að skiptast á toppsætinu í allan vetur mætast í Mosfellsbæ. Aftureldingu hefur aðeins fatast flugið undanfarið meðan Haukar sitja einir á toppnum. Haukur munu fara upp í Mosfellsbæ og vinna.

HK – ÍBV (Föstudagur 18:30) / Sigurvegari: HK

Tvö ísköld lið að mætast. HK tapað leikjum virkilega illa undanfarið meðan ÍBV hefur ekki náð að finna mojo-ið sitt eftir að Elís Þór meiddist. Ég held að HK muni bíta í skjaldarrendur, peppa sig saman og vinna Eyjamenn.

Fram – FH  (Föstudagur 19:00) / Sigurvegari: FH

Fram eru í miklu álagi þessa dagana. Evrópuleikur í Portúgal á þriðjudagskvöldið og svo heimaleikur gegn FH 3 dögum seinna. Fram tapaði illa gegn Stjörnunni á heimavelli í síðasta leik meðan FH hefur verið á fínu run-i. Ég held það run haldi áfram og FH vinni þennan leik.

ÍR– Þór (Laugardagur 18.30) / Sigurvegari: ÍR

Tímabilið undir hjá ÍR í þessum leik. Mesti „must win“ leikur vetrarins. Ef ÍR tapar þessum leik eru þeir sennilega á leiðinni í Grill 66 deildina. Þór verða einnig að vinna þennan leik til að halda vonum sínum um sæti í úrslitakeppninni á lífi. Ég held því miður fyrir Þórsara að fyrsti sigur ÍR komi á laugardaginn.

11.umferð (4.réttir)
10.umferð (5 réttir)
9.umferð (4 réttir)
8.umferð (5 réttir)
7.umferð (3 réttir)
6.umferð (2 réttir)
5.umferð (3.réttir)
4.umferð (4.réttir)
3.umferð (5 réttir)
2.umferð (4 réttir)
1.umferð (3 réttir)