Í kvöld mættust Haukar 2 og Valur 2 á Ásvöllum í Grill 66 deild karla.

Valsmenn voru mun betri aðilinn allan leikinn. Eftir 15 mínútna leik var staðan 5-7 fyrir Val. Eftir 20 mínútna leik var staðan orðin 7-12. Þeir slökuðu ekkert á klónni það sem eftir lifði fyrri hálfleiks og keyrðu vel í bakið á Haukunum. Í hálfleik var svo staðan 12-21.

Haukar hresstust aðeins í seinni hálfleik og náðu aðeins að minnka muninn til að byrja með í seinni hálfleik. Eftir 10 mínútur í seinni hálfleik var staðan orðin 21-27. Haukar náðu svo að minnka muninn í 4 mörk en nær komust þeir ekki. Valsmenn sigldu síðan leiknum heim nokkuð örugglega. Lokatölur 31-39 fyrir Val. Sanngjarn og öruggur sigur hjá þeim í uppgjöri KFUM liðanna.

Hjá Val var Dagur Leó Fannarsson með 9 mörk. Markvarslan skilaði þeim 12 boltum vörðum.

Hjá Haukum var Jón Karl Einarsson markahæstur með 9 mörk. Markvarslan var ekki á deginum sínum í dag hjá þeim og aðeins 6 boltar varðir í kvöld.

Sjáðu stöðuna í deildinni

_{Hress styður umfjöllun Handkastsins um Þjóðaríþróttina - Í tilefni þess fá allir hlustendur og lesendur Handkastsins 2 fyrir 1 af öllum boozt á Hressbarnum út október. Hress er staðsett á Dalshrauni 11 í Hafnarfirði. Verði ykkur að góðu.}