Í kvöld mættust HK 2 og Fram 2 í Grill 66 deild karla en leikið var í Lambhagahöllinni.

HK-ingar voru betri í byrjun leiks og eftir korter var staðan orðin 6-11. Mest náðu þeir 7 marka forskoti í fyrri hálfleik en þeir fóru inn til búningsherbergja með 5 marka forskot. 11-16 var staðan þegar dómarar leiksins flautuðu til hálfleiks.

Eftir 15 mínútur í seinni hálfleik var staðan 18-22. Fór það svo að lokum að lokatölur urðu 26-29 fyrir HK. Sanngjarn og tiltölulega öruggur sigur hjá HK.

Hjá Fram var Alex Unnar Hallgrímsson markahæstur með 8 mörk. Garpur Druzin Gylfason varði 12 skot.

Hjá HK 2 var Örn Alexandersson markahæstur með 11 mörk. Patrekur Jónas Tómasson varði 12 skot.

Sjáðu stöðuna í deildinni