Í kvöld mættust Víkingar og ÍH í Virkinu í Safamýri í Grill 66 deild karla.

Fyrirfram var búist við heimasigri og varð það raunin. Eftir korter í fyrri hálfleik var staðan 10-7 fyrir heimamenn. Gáfu Víkingar enn meira í og náðu mest 8 marka forskoti í fyrri hálfleik. Hálfleikstölur urðu síðan 21-13.

Í seinni hálfleik náði ÍH mest að minnka muninn niður í 5 mörk. Nær komust þeir einfaldlega ekki með Brynjar Narfa Arndal fremstan í flokki. Lokatölur leiksins urðu 39-28.

Víkingar eru því áfram í toppsætinu og eru í bílstjórasætinu um að sigra deildina þegar það eru enn nokkrar umferðir eftir af deildinni.

Hjá ÍH var Brynjar Narfi Arndal langatkvæðamestur með 13 mörk. Kristján Rafn varði 7 bolta.

Hjá Víking var Sigurður Páll Matthíasson markahæstur með 10 mörk. Daði Bergmann klukkaði 5 bolta.

Sjáðu stöðuna í deildinni