Í kvöld mættust Fram 2 og Hvíti Riddarinn í Grill 66 deild karla en leikið var í Lambhagahöllinni.

Mosfellingarnir í Hvíta Riddaranum voru alltaf skrefi á undan í fyrri hálfleik. Þeir komust meðal annars í 7-10 og fóru svo inn til búningsherbergja með stöðuna 11-13 í hálfleik.

Í seinni hálfleik bættu Mosfellingar bara í og eftir korter var staðan orðin 15-22. Eftir það voru úrslitin ráðin. Lokatölur urðu svo 22-27.

Sigurjón Bragi Atlason var stórkostlegur og varði 25 skot. Brynjar Búi Davíðsson og Kristján Andri Finnsson settu báðir 5 mörk.

Hjá Fram var Marel Baldvinsson með 10 mörk. Jóhann Ágústsson varði 15 skot.