Í dag mættust Víðir og Hörður í Grill 66 deild karla en leikið var í Garði á Suðurnesjum.

Harðar menn voru miklu betri í fyrri hálfleik á meðan Víðis menn voru ekki á deginum sínum. Harðverjar komust fljótt í gott forskot og mest náðu þeir 10 marka forskoti í fyrri hálfleik. Hálfleikstölur voru 12-20 fyrir gestina frá Ísafirði.

Í seinni hálfleik héldu Harðverjar áfram í gott forskot og voru lengi vel 5-8 mörkum yfir mest allan seinni hálfleikinn. En þegar nokkrar mínútur voru eftir náðu Víðismenn að minnka muninn niður í 1 mark. Nær komust þeir ekki og lokatölur 32-33 í athyglisverðum leik.

Hjá Herði var Jonathan Santos markahæstur með 9 mörk. Hermann Alexander Hákonarson varði 12 skot.

Hjá Víði var Eiríkur Guðni Þórarinsson markahæstur með 11 mörk. Jacek Kowal og Sigurjón vörðu samtals 13 skot.