HK tók á móti ÍBV í 12.umferð Olís deildar karla í kvöld í Kórnum.

Gengi beggja liðanna hafði ekki verið gott undanfarið og því voru þau bæði á höttunum eftir sigri.

Jafnræði var með liðunum í upphafi leiks en um miðbik fyrri hálfleiks tóku Eyjamenn frumkvæðið og náðu mest fjögurra marka forskoti 5-9. HK náði að klóra í bakkan fyrir hálfleik og var staðan 14-16.

Heimamenn mættu tilbúnir til leik í síðari hálfleik og voru komin með frumkvæðið í leiknum eftir um 10 mínútna leik. Jafnt var nánast á öllum tölum þar til 10 mínútur voru eftir en þá breyttu Eyjamenn um vörn og Ívar Bessi kom inná í frægu Eyjavörnina.

HK náði þá ekki að skora í heilar 7 mínútur og Eyjamenn breyttu stöðunni úr 27-27 í 27-31 þegar 2 mínútur voru til leiksloka.

Andri Erlingsson fór á kostum í kvöld og skoraði 12 mörk fyrir Eyjamenn en hjá HK voru Ágúst Guðmundsson og Haukur Ingi Hauksson atkvæðamestir með 6 mörk.

Athygli vakti að Erlingur Richardsson var hvergi sjáanlegur á varamannabekk ÍBV í kvöld en Sigurður Bragason stýrði liðinu til 28-34 sigurs í fjarveru hans.

Sjáðu stöðuna í deildinni

_{Hress styður umfjöllun Handkastsins um Þjóðaríþróttina - Í tilefni þess fá allir hlustendur og lesendur Handkastsins 2 fyrir 1 af öllum boozt á Hressbarnum út nóvember. Hress er staðsett á Dalshrauni 11 í Hafnarfirði. Verði ykkur að góðu.}